Читают о военнослужащих и о тех, кто терпит несправедливость: Иоанн Воин служил в армии и, по преданию, предупреждал христиан об опасности. К нему обращаются, когда близкий на службе и когда человека незаслуженно преследуют.
Тропарь, глас 4*
Всеблагаго Бога и Царя/ благоверный раб и воин явился еси, Иоанне чудодетелю,/ пострадав бо ради веры мужески,/ блаженно же скончав течение,/ зриши Всетворца Господа в Небесех светлейше./ От Негоже прием дарование чудес,/ страждущим человеком во всяких напастех помогаеши,/ укрепляеши воины в ратех,/ от врагов пленения, ран же и внезапных смертей и от бед лютых изымаеши./ Темже моли Владыку Христа, приснопамятне,/ да во всяком обстоянии сотворит нам милость/ и не введет нас во искушения,// но спасет души наша, яко Человеколюбец.
Кондак, глас 6*
Благочестиваго воина Христова,/ победившаго враги душевныя и телесныя богомудренно,/ Иоанна мученика достодолжно песньми восхвалим,/ чудодействуя бо, подает обильная исцеления страждущим людем/ и молится Господу Богу// от всяких бед спасти правоверныя.
Молитва 1-я*
О мучениче Христов, Иоанне воине! Храбрый еси во бранех, и врагом прогонитель, и обидимым заступник, всем православным христианом.
О великий заступниче и угодниче Христов, Иоанне воинственниче! Помилуй нас, грешных и недостойных, и заступи в бедах и в скорбех, и в печалех и во всякой злой напасти, и от всякаго злаго и обидящаго человека, тебе бо дана бысть таковая благодать от Бога, еже молитися за ны, грешныя, в бедах и напастех зле страждущия. Избави убо нас от обидящих и ненавидящих, буди нам поборник крепок на вся видимыя и невидимыя враги наша.
О великий поборниче, Иоанне воине! Не забуди нас, всегда молящихся тебе, просящих помощи и неоскудныя милости твоея, и сподоби нас, грешных и недостойных, получити от Бога неизреченная благая, яже уготова любящим Его. Яко подобает Ему всякая слава, честь и поклонение, Отцу и Сыну и Святому Духу, ныне, и присно, и во веки веков. Аминь.
Молитва 2-я
О мучениче Христов Иоанне Воине! Храбрый во бранех, и скорый заступник православных христиан в бедах и напастях их, по данной благодати от Бога!
Буди нам поборник крепок на вся видимыя и невидимыя враги наша. Воинству нашему на враги победу даруй, да смирятся противящиися нам и вразумятся, и Бога истиннаго познают и Святую Его Церковь Православную.
Мы же, грешнии, да сподобимся прославляти Господа Спаса нашего во Царствии Его вкупе с тобою во веки. Аминь.
Молитва 3-я
О великий Христов мучениче Иоанне, православных поборниче, врагов прогонителю и обидимых заступниче! Услыши нас, в бедах и скорбех молящихся тебе, яко дана тебе бысть благодать от Бога печальныя утешати, немощным помогати, неповинныя от напрасныя смерти избавляти и за всех зле страждущих молитися.
Буди убо и нам поборник крепок на вся видимыя и невидимыя враги наша, яко да твоею помощию и поборством по нас посрамятся вси являющии нам злая.
Умоли Господа нашего, да сподобит ны, грешныя и недостойныя рабы Своя (имена), получити от Него неизреченная благая, яже уготова любящим Его, в Троице Святей славимаго Бога, всегда, ныне и присно и во веки веков. Аминь.
Личное прошение
О великий Христов мучениче Иоанне! Услыши мя, прибегающего к тебе (имя), подаждь в скорби моей скорую помощь и заступление (содержание прошения), яко да твоею помощию и поборством по мне посрамятся вси являющии мне злая. Аминь.
Источник: Православный молитвослов
Текст скопируется целиком — без меню, рекламы и пояснений сайта.
Об этой молитве
Иоанн жил в IV веке, служил в императорских войсках и тайно помогал гонимым христианам. Его почитают как заступника обидимых и помощника воинам. Молитва краткая, читается несколько раз — удобно в дороге и на службе.
Раздел: Молитвы о воинах и защите. О тех, кто на службе и на передовой, о пленных, о семьях и о памяти убиенных.