За детей и родителей — ежедневно, коротко, поимённо.
О великий угодниче Божий и Богоприимче Симеоне! Предстоя Престолу великаго Царя и Бога нашего Иисуса Христа, велие дерзновение имаши к Нему, на объятиих твоих нашего ради спасения носитися изволившему. К тебе убо, яко многомощному предстателю и крепкому о нас молитвеннику, прибегаем мы, грешнии и недостойнии.
Моли благость Его, яко да отвратит от нас гнев Свой, праведно по делом нашим на ны движимый, и презрев безчисленная прегрешения наша, обратит нас на путь покаяния и на стези заповедей Своих утвердит нас. Огради молитвами твоими в мире жизнь нашу, и во всем благом благое поспешение испроси, вся к животу и благочестию потребная нам даруя.
И якоже древле Великий Новград явлением чудотворныя иконы твоея от губительства смертнаго избавил еси, тако и ныне нас и вся грады и веси страны нашея от всяких напастей, и бед, и внезапныя смерти предстательством твоим избави, и от всех враг видимых и невидимых покровом твоим защити, и всей державе Российстей буди оплот тверд и укреплен, яко да тихое и безмолвное житие поживем во всяком благочестии и чистоте, и тако в мире временное сие житие прешедше, в вечный достигнем покой, идеже сподобимся Небеснаго Царствия Христа Бога нашего, Емуже всякая слава подобает, со Отцем и Пресвятым Его Духом, ныне и присно, и во веки веков. Аминь.
Источник: Православный молитвослов
Текст скопируется целиком — без меню, рекламы и пояснений сайта.
Об этой молитве
Тяжёлая болезнь и уход за больным изматывают. Молитва в такие месяцы может быть короткой — одной фразой, — и это нормально. Этот текст можно читать за другого человека, называя его имя. Такая молитва — давняя церковная практика, особенно когда сам человек молиться не может.
Раздел: Молитвы о здравии. Когда болеет близкий человек, слова находятся с трудом. Эти молитвы — для таких минут.