Перед собеседованием, экзаменом или важным разговором о работе.
О, Пресвятая Дево Богородице, Премилостивая Владычице, Царице Небесе и земли, всякаго дома и семейства христианскаго Благоустроительнице, труждающихся благословение, нуждающихся неистощимое богатство, сирых и вдовиц и всех людей Кормительнице! Питательнице наша, рождшая Питателя Вселенныя и Спорительнице хлебов наших, Ты Владычице, ниспосылаеши Твое Матернее благословение градом нашим, селам и нивам и коемуждо дому, на Тя упование имущему. Темже с благоговейным трепетом и сокрушенным сердцем смиренно молим Тя: буди и нам, грешным и недостойным рабом Твоим, мудрая Домостроительнице, житие наше добре устрояющая. Всякое же сообщество, всякий дом и семейство во благочестии и православии, единомыслии, послушании и довольстве соблюди. Нищия и неимущия пропитай, старость поддержи, младенцы воспитай, всех вразуми преискренне взывати ко Господу: «Хлеб наш насущный даждь нам днесь». Сохрани, Пречистая Мати, люди Твоя от всякия нужды, болезни, глада, губительства, града, огня, от всякаго злаго обстояния и всякаго нестроения. Обители нашей (веси), домам и семействам и всякой души христианстей и всей стране нашей исходатайствуй мир и велию милость, да славим Тя, Премилостивую Питательницу и Кормительницу нашу, ныне и присно, и во веки веков. Аминь.
Источник: Православный молитвослов
Текст скопируется целиком — без меню, рекламы и пояснений сайта.
Об этой молитве
Церковь не обещает, что молитва о работе принесёт оффер, а молитва перед экзаменом — пятёрку. Но просить о помощи в обычных делах нормально: человеку нужны крыша, хлеб и силы на труд. Молитва — не заклинание и не гарантия результата. Церковь учит просить, но оставляет исполнение на волю Божию; несбывшееся прошение не означает, что молитва была «неправильной».
Раздел: О работе и нуждах. Об учёбе, работе, жилье и деньгах — без магии и обещаний.