Перед важным событием в семье: экзамен, переезд, свадьба, роды.
Богородице Дево, Пренепорочная Мати Христа Бога нашего, Заступнице рода христианскаго!
Пред чудотворною иконою Твоею предстояще, отцы наши молиша Тя, да явиши покров Твой и заступление стране приамурстей. Темже и мы ныне молим Тя: град наш и страну сию от нахождения иноплеменных соблюди и от междоусобныя брани сохрани.
Даруй мирови мир, земли плодов изобилие; сохрани во святыни пастырей наших, во святых храмех труждающихся: осени вседержавным покровом Твоим строителей и благотворителей их.
Утверди в правоверии и единомыслии братий наших: заблуждших же и отступльших от православныя веры вразуми и соедини Святей Церкви Сына Твоего.
Буди всем притекающим к иконе Твоей покров, утешение и пристанище от всяких зол, бед и обстояний, Ты бо еси больных исцеление, скорбящих утешение, заблуждших исправление и вразумление.
Приими моления наша и вознеси я ко престолу Всевышняго, яко да Твоим предстательством соблюдаеми и покровом Твоим осеняеми, прославим Отца и Сына и Святаго Духа, ныне и присно и во веки веков. Аминь.
Источник: Православный молитвослов
Текст скопируется целиком — без меню, рекламы и пояснений сайта.
Об этой молитве
Если в семье ссора, начните молитву первым — хотя бы молча. Молитва за обидчика меняет скорее молящегося, чем адресата, и это уже много. Хорошо завести привычку возвращаться к одному тексту в течение недели.
Раздел: О семье и детях. О браке, о детях и крестниках, о мире в доме.